“Duyğu” Sosial Reabilitasiya İctimai Birliyi “Şəhər Mədəniyyətinin Sosial Çarxlar Vasitəsilə Təbliği” layihəsinin növbəti təlimini keçirib. Layihə Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə həyata keçirilir.
Layihə çərçivəsində keçiriləcək təlimlər haqqında elan sentyabrın ilk həftəsində sosial şəbəkələrdə paylaşılıb. Elana əsasən müraciət edən 85 gəncdən 8 iştirakçı layihədə iştiraka haqq qazanıb. İştiakçılar 3 ay müddətində ssenari yazılışı, kompozisiya, kameradan istifadənin təməl qaydalarını və montajı öyrənəcəklər.
Layihənin yekununda işirakçılar tərəfindən çəkilmiş videoçarxlar arasından 3 ən yaxşı çarx seçiləcək. “Şəhər Mədəniyyətinin Sosial Çarxlar Vasitəsilə təbliği” mövzusunda çəkilən çarxlar 3 ali təhsil müəssisəsinin tələbələri qarşısında nümayiş etdiriləcək.
Layihənin yekun məhsulu olan qısametrajlı videoçarxlar sosial şəbəkələrdə #etikol haştaqı ilə paylaşılacaq.
Nəzakət Zeynallı