XƏBƏRLƏR

14/9/2013 Əlil Qadınlar Cəmiyyətinin (ƏQC) Qazax Günərzi Qayğı Mərkəzinin təqdimetmə mərasimi keçirilmişdir

Əlil Qadınlar Cəmiyyətinin (ƏQC) Azərbaycan Respublikası Əmək və Əhalinin Sosial Müdafiəsi Nazirliyinin ayırdığı vəsait əsasında həyata keçirdiyi  “Qazax  rayonunda uşaqların dövlət uşaq müəssisələrinə düşməsinin qarşısının alınması və  çətin həyat şəraitində olan uşaqların və ailələrin sosial xidmətlərə çıxışının təmin edilməsi məqsədi ilə günərzi mərkəzinin yaradılması və fəaliyyəti” adlı layihə çərçivəsində yaratdığı Qazax Günərzi Qayğı Mərkəzinin təqdimetmə mərasimi keçirilmişdir

 

Məlumat verildiyi kimi,  “Əlil Qadınlar Cəmiyyəti” (ƏQC) "Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında" Azərbaycan Respublikası Prezidentinin 09 yanvar 2013-cü il tarixli 2653 nömrəli Sərəncamına əsasən Azərbaycan Respublikası Əmək və Əhalinin Sosial Müdafiəsi Nazirliyinə ayrılmış vəsait çərçivəsində “Qazax  rayonunda uşaqların dövlət uşaq müəssisələrinə düşməsinin qarşısının alınması və  çətin həyat şəraitində olan uşaqların və ailələrin sosial xidmətlərə çıxışının təmin edilməsi məqsədi ilə günərzi mərkəzinin yaradılması və fəaliyyəti” adlı layihəsini həyata keçirir.

Layihə çərcivəsində  Qazax rayonunda Qazax Günərzi Qayğı Mərkəzi yaradılmışdır. Həmin  mərkəzdə  3-12 yaş arası çətin həyat şəraitində olan 30 uşağa gün ərzində sosial xidmətlər göstərilir və onların bacarıqlarının inkişafı üçün təlimlər keçirilir. Həmin uşaqlar gündə 2 dəfə yeməklə və yataqla təmin edilirlər. Mərkəzdə uşaqların təlim-tərbiyəsi və fərdi inkişafı ilə 16 nəfər işçi heyət məşğul olur.

2013-cü ilin sentyabr ayının 13-də Qazax Günərzi Qayğı Mərkəzinin rayon ictimaiyyəti, yerli QHT-lər və KİV-lər üçün təqdimetmə mərasimi keçirilmişdir.

Təqdimetmə mərasimində Əlil Qadınlar Cəmiyyətinin Prezidenti,  layihə meneceri Məhluqə Rəhimova, Qazax Rayon Icra Hakimiyyəti başçısının müavini Gülayə Həsənova, Əlil Qadınlar Cəmiyyətinin  hüquqşünası, hüquq elmləri  doktoru, professor  Mayis Əliyev, Qazax rayon Veteranlar Şurasının sədri Xanqulu Süleymanov, Ağstafa rayon Ağsaqqallar Şurasının sədri Firdovsi Heydərli,  Qazax rayon  Ağköynək kənd tam orta məktəbinin direktoru Safura Rəhimova və valideyinlər adından Vaqif Sadıqov çıxış edərək layihənin mahiyyətindən, rayon üçün əhəmiyyətindən və gələcək perepektivlərindən danışmışlar. Valideyinlər bu layihənin Qazaxda təşkil olunduğu üçün minnətdarlıqlarını bildirmişlər. Qeyd edilmişdir ki, lahiyənin əsas məqsədi Ermənistanla həmsərhəd bölgədə yerləşən Qazax rayonunda uşaqların dövlət uşaq müəssisələrinə düşməsinin qarşısının alınması, çətin həyat şəraitində olan uşaqların və ailələrin sosial xidmətlərə çıxışının təmin edilməsidir.

 

 

Bu xəbər 4157 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”