XƏBƏRLƏR

3/8/2016 Vətən Fədailəri hərbçilərlə görüş keçirib.

Avqustun 3-də Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə vəsaiti ilə Vətən Fədailərinin Hüquqlarının Müdafiəsi İctimai Birliyi “Sağlamlıq imkanları məhdud olan insanlara dəstək” layihəsi çərçivəsində Silahlı Qüvvələrin Baş Klinik Hospitalında cəbhə xəttində yaralanan hərbçilərlə görüş keçirib. 

Görüşdə İctimai Birliyin sədri, Vətən Müharibəsinin I qrup əlili Dadaş Quliyev, hüquqşünas istefada olan zabit, ədliyyə mayoru Telman Əbilov, psixoloq Elxan Xanəlizadə, QHT Şurasının nümayəndəsi Həsən Səmədov və Bakının müxtəlif orta məktəblərindən olan yuxarı sinif şagirdləri, keçmiş döyüşçülər və media nümayəndələri iştirak edib.

Baş Klinik Hospitalın rəis müavini, polkovnik-leytenant Seyfəliyev Kamil Vətən Fədailərinin Hüquqlarının Müdafiəsi İctimai Birliyinin layihə çərçivəsində yaralı hərbçilərlə görüş təşəbbüsünü yüksək qiymətləndirib və tədbir iştirakçılarını hospitalın cərrahiyə şöbəsində müalicə alan əsgər, gizir və zabitlərlə görüşündə müşaiyət edib.

Dadaş Quliyev hospitalın müxtəlif palatalarında müalicə alan hərbçilərimizlə görüşdə Azərbaycan Respublikasının Prezidenti yanında QHT Şurasının maliyyə dəstəyi ilə İctimai Birliyin həyata keçirdiyi layihə haqqında ətraflı məlumat verərkən bildirib ki, bu gün Azərbaycan dövləti vətənin keşiyində dayanan hərbçilərimizə xüsusi diqqət və qayğı ilə yanaşır: “Mən keçmiş döyüşçü kimi bu gün sizin hamınızla fəxr edirəm. Sevindirici haldır ki, Ali Baş Komandan İlham Əliyev, Müdafiə Naziri Zakir Həsənov Milli Ordumuzun qürur mənbəyi olmağı üçün böyük işlər görüblər. QHT Şurasının rəhbəri, millət vəkili Azay Quliyevin və Şuranın icraçı direktoru Fərasət Qurbanovun şəxsi təşəbbüsləri oldu ki, aprel döyüşlərində qəhrəmanlıqla döyüşən hərbçilərimizlə görüş keçirək. Bu günkü görüşdə bir daha əmin olduq ki, Vətənimizin sizin kimi oğulları olduğuna görə, düşmənlərə bir qarış torpaq güzəştə gedilməyəcək. Çünki bu Vətəni Sizin kimi övladlar qoruyur. Kiçik də olsa Sizə gigiyenik hədiyyələr paketi gətirmişik. Biz bu hədiyyə paketlərini dövlət vəsaiti hesabına almışıq. İnanırıq ki, bizimlə görüş sizin üçün də xoş xatirə olaraq qalacaq.”

Daha sonra tədbir iştirakçıları İctimai Birliyin hüquqşünası, keçmiş hərbçi Telman Əbilov, psixoloqu, ehtiyatda olan zabit Elxan Xanəlizadə, QHT Şurasının nümayəndəsi Həsən Səmədov çıxış ediblər. Yaralı əsgər, gizir və zabitlərə tezliklə sağalıb xidmətə qayıtmalarını arzulayıblar.

Layihənin psixoloqu Elxan Xanəlizadə hərbçilərə İctimai Birliyin Fəxri Fərmanlarını təqdim edib. Sonda xatirə şəkilləri çəkilib.

Davud Rəhimli

 

Bu xəbər 2864 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”