XƏBƏRLƏR
- 13/10/2017 “Görmə həftəsi”
- - Əlilliyi olan insanların mövcud problemləri və onların həlli yolları"
- - GÜLƏN ÇOCUQ FESTİVALI
- - "İnkluziv ədalət” regionlarda
- - İnkluziv ədalət
- - Əlilliyi olan şəxslərin məşğulluğunun təmini
- - “Layihə Univerisiteti”nin təlimi davam edir
- - “Əlilliyi olan şəxslərin reabilitasiyası və sosial müdafiəsi: problemlər və perspektivlər”
- - Özünüməşğulluq proqramı çərçivəsində yaradılan ailə təsərrüfatları ölkədə kiçik ailə biznesinin genişlənməsinə şərait yaradıb (VİDEO)
- - Beynəlxalq Qramaski Təşkilatının və “Zaparoji Kazakları”-nın (BGT ZK) Ali Məclisinin Konkfansı
- - Sosial Xidmətlər Agentliyi
- - "Xəstəlik, əlillik və ya ahıllıqla əlaqədar özünəqulluq qabiliyyəti olmayan şəxslərə qulluq və kömək göstərə biləcək qohumların olmamasının müəyyən edilməsi Qaydası"nın təsdiq edilməsi barədə
Bu gün ölkəmizdə 40 minə yaxın gözdən əlilliyi olan şəxs var. Onların 8 minə yaxını uşaqlardır. Oftalmoloqların dediyinə görə, vaxtında müayinə və müalicələrə cəlb olunmaqla onların 80 faizini sağaltmaq mümkündür. Ona görə də təşkil edilən bu tədbir çox təqdirəlayiqdir və gözdən əlilliyin qarşısının alınmasında və sağlam nəslin formalaşmasında əhəmiyyətli işdir.
Bu barədə Gözdən Əlillər Cəmiyyəti İctimai Birliyinin sədri Səmyar Abdullayev “Görmə həftəsi” çərçivəsində əlilliyi olan şəxslərə göstərilən tibbi müayinə tədbirindən əvvəl təşkil edilən mətbuat konfransında məlumat verib.
O, akademik Zərifə Əliyeva adına Milli Oftalmologiya Mərkəzi ilə birgə təşkil edilən tədbirin cəmiyyətin həssas təbəqəsinə olan qayğı nümunəsi kimi qiymətləndirib.
Milli Oftalmologiya Mərkəzinin əməkdaşı Yazgül Abdıyeva tədbirdə çıxış edərək deyib: “Dünyada yaşayan 7 milyard əhalinin təxminən 300 milyonu görmə zəifliyi ilə üzləşir, 40 milyon nəfərə yaxın isə korluqdan əziyyət çəkir. Görmə problemindən əziyyət çəkənlərin 82 faizini yaşı 50 və daha yuxarı olan sakinlər təşkil edir. Hazırda dünyada 2020-ci ilə qədər görmə problemi ilə üzləşənlərin və korluğun qarşısını 80 faiz azaltmaq uğrunda mübarizə xətti götürülüb. Görmə problemləri ilə əlaqədar ölkəmizdə qəbul edilən proqramlar da əhalinin bu sahədə sağlamlıq vəziyyətinin yaxşılaşmasına yönəldilib”.
O, hər cür müasir tibbi avadanlıqlarla təchiz olunmuş və Qafqazda ən böyük oftalmoloji müəssisə olan Milli Oftalmologiya Mərkəzinin bu sahədə apardığı işlər və gördüyü tədbirlər barədə məlumat verib. 2005-ci ildən mərkəzdə yaradılan səyyar klinikanın fəaliyyətindən danışarkən qeyd edib ki, indiyədək 21 min 645 xəstə müayinə olunub və 2,5 min xəstə üzərində uğurlu əməliyyatlar aparılıb. Səyyar klinikanın əməkdaşları həm paytaxtdakı bağça və məktəblərdə, ayrı-ayrı müəssisələrdə, həm də bölgələrdə, xüsusilə ucqar yaşayış məntəqələrində dispanserizasiya tədbirləri həyata keçirir.
Gözdən Əlillər Cəmiyyətində təşkil edilən səyyar yoxlama zamanı 100-dən çox xəstə oftalmoloji müayinədən keçirilib, 20-dən çox xəstəyə görmə qabiliyyətini yaxşılaşdırmaq üçün eynəklər verilib.
Səyyar klinikanın əməkdaşları qeyd ediblər ki, noyabrın əvvəllərində Şəmkir və Tovuz rayonlarında da oftalmoloji müayinə tədbirləri aparılacaq.
Davud Rəhimli
Bu xəbər 2893 dəfə oxunub
1.jpg)
