XƏBƏRLƏR
- 25/12/2017 Əlilliyi olan şəxslər üçün müvəkkillik prosesində KİV-lərin rolu
MƏTBUAT ÜÇÜN MƏLUMAT
26 dekabr 2017-ci il
“Əlilliyi olan şəxslər üçün müvəkkillik prosesində KİV-lərin rolu” mövzusunda
maarifləndirici seminar keçirildi
Azərbaycan Milli Avtomobil Klubu (AMAK) Azərbaycan Jurnalistlər Şəbəkəsi İctimai Birliyi ilə birgə mətbuat nümayəndələrinin iştirakı ilə “Əlilliyi olan şəxslər üçün müvəkkillik prosesində KİV-lərin rolu” mövzusunda maarifləndirici seminar təşkil edib. ADA Universitetində baş tutan seminarda jurnalistlərə “Əlilliyi olan şəxslərə yanaşma modelləri, terminoligiya” “Əlilliyi olan şəxslərin qarşılaşdığı maneələr və onları yaradan səbəblər”, “KİV nümayəndələri Əlilliyi olan şəxslərin müvəkkili kimi”, “Əlilliyi olan şəxslərin hüquqları haqqında Konvensiya” barədə geniş məlumat verilmiş və müzakirələr aparılmışdır.
Seminar AMAK-ın “Azərbaycanda əlilliyi olan insanlar üçün müyəssər nəqliyyat: məlumatlarin toplanması, təkliflər paketinin hazırlanması” layihəsi çərçivəsində təşkil olunub. Bu ilin sentyabr ayında start verilən yeni tədqiqat layihəsinin əsas məqsədi əlilliyi olan şəxslərin nəqliyyatda müyəssərliklə bağlı gündəlik həyatda üzləşdikləri çətinlikləri müəyyənləşdirmək, mövcud boşluqları müəyyən etməklə nəticələrin qiymətləndirilməsi əsasında təkliflər paketi hazırlamaqdır.
İnteraktiv formatda keçirilən seminarda bu sahə üzrə ixtisaslaşmış ekspert və mütəxəssislər jurnlaistləri mövzu ilə bağlı maarifləndirib və əlilliyi olan şəxslər üçün müvəkkillik prosesində medianın rolunun qabardılmasının mühüm olmasını vurğulayıblar.
Tədbir barədə daha ətraflı ətraflı məlumat əldə etmək üçün www.ajn.az saytını ziyarət edə bilərsiniz. Eləcə də, tədqiqat layihəsi barədə daha ətraflı məlumatı oxumaq üçün www.amak.az saytını ziyarət edin.
Davud Rəhimli
Bu xəbər 2790 dəfə oxunub
1.jpg)
