XƏBƏRLƏR

13/6/2018 “Sağlam həyat naminə” devizi ilə maarifləndirmə

Şuranın dəstəyi ilə Hacıqabul rayonunda maarifləndirmə

tədbiri keçirilib

“Sağlam Həyat” Ana və Uşaqlara Qayğı İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi “Sağlam həyat naminə” devizi ilə maarifləndirmə aksiyalarının keçirilməsi” adlı layihə çərçivəsində Hacıqabul rayon Heydər Əliyev Mərkəzində şagirdlərin, müəllimlərin və valideynlərin iştirakı ilə maarifləndirmə tədbiri keçirib.

Təşkilatın eksperti Asəf Kərimov tədbirdə çıxış edərək belə bir aktual məsələyə həsr olunmuş layihəyə dəstək verdiyinə görə Şuraya, tədbirin yüksək səviyyədə təşkilinə görə isə Hacıqabul Rayon İcra Hakimiyyətinə təşəkkürünü bildirib və layihənin məqsədi barədə ətraflı məlumat verib. O, qeyd edib ki, regionlarda yaşayan uşaq və gənclər arasında sağlam həyat tərzinin təbliği, pis vərdişlər, narkomaniya, alkoqolizm, vərəm, hepatit virusları, İİV/QİÇS,  cinsi yolla yoluxan xəstəliklər və digər bu kimi xəstəliklər və onların fəsadları, habelə tütünçəkməyə meylliliyin insanın sağlamlığına təsiri ilə bağlı təhsil müəssisələrində maarifləndirmə tədbirləri təşkil etməklə Azərbaycan cəmiyyəti üçün böyük aktuallıq kəsb edən problemin həllinə dəstək vermək layihənin əsas məqsədini təşkil edir.

Diqqətə çatdırılıb ki, bu gün uşaq və gənclərin hüquq və azadlıqlarının müdafiəsi, gələcək inkişafının təmini sahəsində dövlət tərəfindən müəyyən edilən əsas vəzifələrdən biri uşaq və gənclərin sağlamlığının qorunması, onların pis vərdişlərdən uzaq olaraq idmana, sağlam həyat tərzinə meyllərinin artırılmasından ibarətdir. Təbii ki, bu işdə vətəndaş cəmiyyəti institutları da davamlı fəaliyyət göstərməlidirlər.  Şagirdlərə sağlam həyat tərzinə yiyələnməyin üsulları, yoluxucu xəstəliklər və onların fəsadları barədə geniş məlumat verilib.

Ekspertin öz çıxışında pis vərdişlərin (narktikdən istifadə,  spirtli içkilərin qəbulu, siqaret çəkmək və. s), habelə infeksion xəstəliklərin (vərəm, hepatit virusları, İİV/QİÇS,  cinsi yolla yoluxan xəstəliklər və s.) törətdiyi fəsadlar, bu sahədə aparılan müayinə və müalicə tədbirləri,  cinsi yolla yoluxan xəstəliklərdən əziyyət çəkən insanların hüquqları və onların müdafiəsi  yolları haqqında verdiyi ətraflı məlumatlar iştirakçılar tərəfindən maraqla qarşılanıb

Tədbirdə sağlam həyat tərzi üçün şərait və imkanların yaradılması, əhalinin öz sağlamlığı üçün məsuliyyətinin və marağının artırılmasından ötrü maarifləndirmə işlərinin genişləndirilməsi istiqamətində əməli tədbirlərin həyata keçirilməsi vacibliyi vurğulanıb

Uşaq, yeniyetmə və gənclər arasında sağlam həyat tərzinin təbliği məsələləri ilə bağlı geniş müzakirələr aparılıb, bu sahədə mövcud olan problemlərin aradan qaldırılması üzrə bir sıra təkliflər irəli sürülmüşdür.

Artıq layihə çərçivəsində Qusar, Siyəzən rayonlarında və Şirvan şəhərində bu cür maarifləndirmə tədbirləri uğurla keçirilmişdir.

 

  Mətbuat xidməti  

Bu xəbər 2302 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”