XƏBƏRLƏR

26/7/2018 QHT-nin yardım tədbiri

15 iyul 2018-ci il tarixdə Azərbaycan Respublikasi Prezidenti yaninda Qeyri-Hökümət Təşkilatlarına Dövlət Dəstəyi Şurasının dəstəyi ilə Vətən Fədailərinin Hüquqlarının Müdafiəsi İctima Birliyi tərəfindən "Xüsusi qayğıya ehtiyacı olan insanların sosial müdafiəsinin təşkili və onlara hüquqi yardımın göstərilməsi" layihəsi çərçivəsində Nərimanov rayonu, Ə.Rəcəbli küçəsi 46 ünvanında yaşayan Qarabağ müharibəsi əlilləri və şəhid ailələri ilə görüş keçirilmişdir.

         Layihə rəhbəri, Vətən müharibəsinin I qrup əlili, hüquqşünas Dadaş Quliyev layihə haqqında ətraflı məlumat verərək dövlətin əlillərə qayğısından danışmışdır. O, Azərbaycan Respublikasının Prezidenti cənab İlham Əliyev sağlamlıq imkanları məhdud insanların sosial məsələlərinin həllini daim diqqətdə saxladığını, bu kateqoriyadan olan insanların maddi-məişət şəraitinin yaxşılaşdırılması o cümlədən, pensiya və təqaüdlərin artırılması istiqamətində mühüm işlər görüldüyünü bildirmişdir. Biz də cənab Prezidentin sosial siyasətinin davamı olaraq bu il QHT Şurasına xüsusi qayğıya ehtiyacı olan insanların sosial müdafiəsinin təşkili və onlara hüquqi yardımın göstərilməsinə dair layihə təqdim etdik və layihəmiz uğurla dəstəkləndi. Bunun nəticəsi olaraq bu gün biz sizinlə görüşə gəlmişik.

          Daha sonra layihənin eksperti Firudin Əliyev çıxış edərək layihənin əhəmiyyətindən və layihə çərçivəsində əlil və şəhid ailərlərinə mənəvi-psixoloji dəstək göstəriləcəyini, layihənin hüquqşünası Telman Əbilov isə dövlətin bu cür layihələri dəstəkləməklə sağlamlıq imkanları məhdud insanların cəmiyyətə adaptasiyasında mühüm rol oynadığını bildirmişdir.

          Görüş zamanı vətəndaşları maraqlandıran məsələlər barəsində layihənin sosioloqu və hüquqşünası ilə fikir mübadiləsi aparılmış, vətəndaşların sorğu xarakterli müraciətləri ətraflı cavablandırılmışdır. Vətəndaşlar əhalinin sosial müdafiəsinin gücləndirilməsində göstərilən diqqət və qayğıya həmçinin, vətəndaşlarla belə görüşlərin keçirilməsinə yaradılan şəraitə görə Azərbaycan Respublikasının Prezidenti cənab İlham Əliyevə dərin minnətdarlıq ifadə etmişlər.

 
 

Bu xəbər 2195 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”