XƏBƏRLƏR

13/10/2018 Lənkəran Əlillərin Regional Bərpa Mərkəzində monitorinq

Press Reliz

Lənkəran şəhəri.                                                                                      12 oktyabr 2018 – ci il

      12 oktyabr 2018-ci il tarixdə Əmək və Əhalinin Sosial Müdafiəsi Nazirliyinin yanında İctimai Şuranın üzvləri Davud RƏHİMLİ (Əlil Təşkilatları İttifaqı (ƏTİ)) və Məmmədhəsən Nəsənov (“Mina Qurbanlarının Sosial-İqtisadi Probelmlərinin Həllinə Kömək” İctimai Birliyi) tərəfindən Lənkəran Əlillərin Regional Bərpa Mərkəzində monitorinq keçirilmiçdir. Monitorinq zamanı mərkəzin fiziki infrastrukturunun əlçatanlığı, əlilliyi olan şəxslərin qəbul prosedurları, personalın formalaşması, imkanları,  yerlərin sayı, qalma vəziyyəti, bərpa-müalicə qaydaları, göstərilən xidmətlər, avadanlıq və reabilitasiya vasitələri ilə təminat, qidalanma, asudə vaxtın təşkili, sakinlərin məmnunluq dərəcəsi halları nəzərdən keçirilmişdir.

     Mərkəz Lənkəran şəhəri və ətraf rayonlarda yaşayan əlillərə kompleks tibbi-sosial reabilitasiya xidməti göstərmək yolu ilə onların sosial statusunun bərpa edilməsi və cəmiyyətə inteqrasiyası, onların tibbi, sosial, peşə diaqnostikası və reabilitasiyası, xəstəlikləri nəzərə alınmaqla dietik və rasional qidalanmasının təşkili, yaş və sağlamlıqlarını nəzərə alınmaqla mədəni-kütləvi tədbirlərə, müalicə idmanına cəlb edilməsi, onlarda gigiyenik vərdişlərin tərbiyə edilməsi, sağlam həyat tərzinin təbliği istiqamətində üçün 16 yaşdan yuxarı bütün kateqoriyalardan olan əlillərə xidmət göstərilməsi üçün nəzərdə tutulmuşdur. 14 çarpayılıqdır.

    Monitoriq zamanı müsbət hallarla yanaşı, müxtəlif sahələr üzrə çatışmazlıqlar, o cümlədən obyektiv və subyektiv səbəblərdən yaranan hallar aşkarlanaraq müəyyən olundu. Respublika Əlillərin Bərpa Mərkəzində aparılmış monitorinq zamanı qeyd olunmuşdu ki, regionlarda bərpa mərkəzlərinin olmasına baxmayaraq, müraciətlər əsasən Bakıda olan mərkəzə olunur. Aparılan monitorinqin bir məqsədi də bunu araşdırmaq idi. Bütün hallar nəzərə alınaraq yekun hesabat hazırlanaraq aidiyyatı üzrə təqdim olunacaqdır.

      Monitorinqin keçirilməsinə şərait yaratdıqlarına və diqqətə görə  Lənkəran Əlillərin Regional Bərpa Mərkəzinin baş həkimi Vəfa xanım Şəbiyevaya, mərkəzin kollektivinə, orada müalicə alan əlilliyi olan şəxslərə minnətdarlığımızı bildirirk. 

 

 

 

Bu xəbər 2829 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”