XƏBƏRLƏR
- 17/10/2018 "Arabaçı Əlillər Şəbəkəsi İctimai Birliyinin" "Milli Qəhrəmanlarımız haqqında maarifləndirmə tədbirlərinin təşkili" layihəsi
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Maliyyə Dəstəyi ilə "Arabaçı Əlillər Şəbəkəsi İctimai Birliyinin" "Milli Qəhrəmanlarımız haqqında maarifləndirmə tədbirlərinin təşkili" layihəsi çərçivəsində sonuncu beşinci tədbiri 16 oktyabr 2018 -ci il saat 14:00 da Ramana qəsəbəsində yerləşən Saglamliq İmkanları Məhdud Gənclərin Peşə və Reabilitasiya mərkəzində keçirtmişdir.
Bu dəfəki tədbir Azərbaycanın Milli Qəhrəmanı Sahil Ələmdar oğlu Məmmədova həsr olunmuşdu. Sahil Məmmədov sağlığında Milli Qəhrəman adına layiq görülüb.
Sahil Məmmədov 1964-cü il fevralın 5-də Qərbi Azərbaycanın Uluxanlı rayonunun Yuxarı Necili kəndində anadan olub. 6 yaşındaikən əmisi ilə Bakıya gəlmiş, Bakıxanov qəsəbəsində 96 saylı məktəbdə təhsil almışdır. 1983-cü il SSRİ DİN-nin Ali Siyasi məktəbinə daxil olur. 1987-ci ildən Ukraynada xidmətə başlayır. 1988-ci ildə ermənilər azərbaycanlıları Qərbi Azərbaycandan deportasiya etdikləri vaxt o, məzuniyyətlə vətənə dönür, ailəsini Bakı şəhərinə yerləşdirib yenidən Ukraynaya qayıdır. Qarabağ savaşında iştirak etmək üçün bir neçə dəfə tərxis edilməsi haqqında müraciətlər etsə də cavabsız qalır. Nəhayət 1992-ci il Vətənə qayıdır və Hərbi polis alayında rota komandiri kimi xidmətə başlayır. Zəngilan rayonunun Qazançı, Ağkənd, Dərəli kəndi uğrunda gedən döyüşlərdə qəhrəmancasına döyüşür. Döyüşlərin birində yanında mərmi partlayır və sağ qolundan, sol ayağından ağır yaralanır. 1994-cü ildən S.Məmmədov DİN-nin Pasport, Viza və qeydiyyat idarəsində baş inspektor olaraq çalışır. 1992-ci il oktyabrın 8-də Milli Qəhrəman adı verilmişdir.
Tədbirdə Sahil Məmmədovun həyat yolunu əks etdirən sənədli film nümayiş etdirilmiş, Sahil Məmmədovun döyüş yoldaşları, keçmiş döyüşçülər fikirlərini söyləmiş, Sahil Məmmədova həsr edilmiş şeirlər səslənmişdir.
Arabaçı əlillər şəbəkəsi ictimai birliyinin sədri:
Qarabag Qazisi İlham Məhərrəmov
Tel: (50)313 06 59
e-mail: arabacitv@gmail.com
Bu xəbər 2293 dəfə oxunub
1.jpg)
