XƏBƏRLƏR
- 22/12/2018 İctimai Şuranın növbəti iclası keçirilib
Azərbaycan Respublikasının Əmək və Əhalinin Sosial Müdafiəsi Nazirliyi yanında İctimai Şuranın növbəti iclası keçirilib. Eurasia Diary xəbər verir ki, iclasda Şuranın 2018-ci il hesabatı və il ərzində görülən işlər müzakirə olunub. Şura tərəfindən aparılan monitorinqlər, ictimai dinləmələrə dair fikir mübadiləsi aparılıb. İclasda ƏƏSM nazirliyində aparılan kadr dəyişiklikləri, islahatlar, vətəndaş məmnunluğunun təmin olunması istiqamətində görülən işlər müsbət qiymətləndirilib. Bununla yanaşı son vaxtlar ƏƏSM nazirliyinin özünü məşğulluq proqramı barədə bəzi insanlar tərəfindən neqativ fikirlərin yayılması məsələsi də müzakirə olunub. Bildirilib ki, son vaxtlar həqiqətən də həm özünü məşğulluq proqramı, həm də sosial siyasətin nəzərdə tutduğu digər proqramlar üzrə geniş işlər aparılır. “Bəzən hər hansı bir icra məmuru tərəfindən törədilən xırda nöqsanla görülən işlərin, aparılan islahatların üzərinə kölgə salmaq doğru deyildir” deyə İctimai şura sədri Umud Mirzəyev bildirib. O, bir neçə gün əvvəl nazirliyin müharibədən zərəçəkən ərazilərdə keçirdiyi səmərəli görüşlərə diqqət çəkib, şəffaflığın, əlçatanlığın, ünvanlılığın təmin edilməsi istiqamətindəki səylərdən danışıb.
İctimai şura üzvləri nazirliyin gördüyü işlərdə, yerinə yetirilən proqramlarda şura üzvlərinin mütəmadi iştirakının vacibliyini qeyd ediblər. “Vətəndaş cəmiyyətinin görülən işlər barədə mütəmadi olaraq məlumatlandırılması, aparılan islahat prosesinə cəlb edilməsi görülən işlərin cəmiyyətə vaxtında çatdırılması, həm ictimaiyyət nümayəndələrinin maarifləndirilməsi baxımından, həm də vətəndaşların sosial proqramlardan doğru, düzgün yararlanması baxımından önəmlidir” deyə Rauf Zeyni bildirib. Şura üzvü Zaur Quliyev özünüməşğulluq proqramının yerinə yetirilməsində şəffaflığın təmin olunması üçün ictimai nəzarətin gücləndirilməsi və monitorinqlərin aparılması məsələlərinə toxunub.
Çıxış edən Şura üzvləri Əliməmməd Nuriyev və Mayis Əliyev də son dövrlər nazirliyin ünvanına deyilənləri haqsızlıq adlandıraraq, görülən mütərəqqi işlərin, innovativ yeniliklər sayəsində şəffaflığın təmin edilməsi sahəsində aparılan sosial siyasətin ölkəmiz üçün əhəmiyyətindən danışıblar. Mehdi Mehdiyev ölkəmizdə aparılan sosial siyasətə, əldə olunan uğurlara kölgə salamq istəyən şəxslərin, cəmiyyətdə çaşqınlıq yaratmaq istəyən qüvvələrin neqativ fəaliyyətindən söz açıb. Şura üzvləri Mehdi Mehdiyev, Davud Rəhimli və Məmmədhəsən Həsənov qərar qəbul etmə prosesi zamanı vətəndaş cəmiyyəti nümayəndələrinin, ekspertlərin iştirakından, qarşılıqlı faydalı müzakirələrin aparılmasının əhəmiyyətindən söz açıblar.
Daha sonra ƏƏSM nazirliyi yanında İctimai Şuranın 2019-cu il üçün fəaliyyət planının ilkin istiqamətləri müzakirə edilib, Şura üzvləri İradə Rzazadə, Akif Kərimov və Mehriban Zeynalovanın təklifləri dinlənilib.
Bu xəbər 1997 dəfə oxunub
1.jpg)
