XƏBƏRLƏR
- 28/10/2020 29 Oktyabr – Türkiyə Respublika Günü münasibəti ilə təbrik.
Türkiyə Respublikasının Azərbaycanda Fövqəladə və səlahiyyətli səfiri
cənab Erkan Özorala
Hörmətli cənab səfir,
Sizi, qardaş Türkiyə xalqını 29 Oktyabr – Respublika Günü münasibətilə Azərbaycan Respublikası Əlil Təşkilatları İttifaqı, əlilliyi olan şəxslərin təşkilatları və əlilliyi olan şəxslər adında səmimi qəlbdən təbrik edir, dərin hörmət və ehtiramımızı bildiririk!
Qardaş Türkiyə dövlətinin dünya dövlətlərinin sırasında özünəməxsus yeri vardır. Türk dünyasının qəhrəman oğlu, hamımızın sevimlisi, T.C. Prezidenti Möhtərəm Rəcəb Tayyib Ərdoğanın müdrik siyasəti ilə siyasi, iqtisadi, social, hərbi və digər sahələrdə hərtərəfli inkişafa nail olunmuşdur. Xalqlarımız arasında olduğu kimi Azərbaycan Respublikasının Prezidenti cənab İlham Əliyevlə T.C. Prezidenti Möhtərəm Rəcəb Tayyib Ərdoğan arasında möhkəm dostluq əlaqələri vardır.
Ümumilli liderimiz Heydər Əliyev cənablarının dediyi kimi
“BİR MİLLƏT İKİ DÖVLƏT” olaraq Türkiyə hər zaman Azərbaycana öz döst dəstəyini göstərir. Azərbaycanın ərazi bütövlüyünün təmin olunması, Ermənistan-Azərbaycan münaqişəsi ilə əlaqədar Türkiyə prezidentinin göstərdiyi qətiyyət, Türkiyə xalqının göstərdiyi dəstək Azərbaycan üçün çox əhəmiyyətlidir. İnanırıq ki, bütün bunların sayəsində böyük qələbəmiz olacaq, türk torpaqları erməni işğalçılarından təmizlənəcəkdir.
Hörmətli Böyükelçi,
Bir daha bayramınızı, hamımızın bayramını təbrik edir, can sağlığı, yeni zəfərlər arzulayıram!
Dərin Hörmətlə,
Davud RƏHİMLİ
Əlil Təşkilatları İttifaqının (ƏTİ) Prezidenti
Bu xəbər 1283 dəfə oxunub
1.jpg)
