XƏBƏRLƏR

31/3/2021 Dünya Bankı ilə sosial sahədə gələcək əməkdaşlıq məsələləri müzakirə edildi

Dünya Bankı ilə sosial sahədə gələcək əməkdaşlıq

məsələləri müzakirə edildi

 

Özünüməşğulluq proqramının genişləndirilməsində Dünya Bankının “Azərbaycanda Məşğulluğa Dəstək Layihəsi” də önəmli rola malikdir. 5 illik dövrdə 22 min işsiz şəxsin cəlb ediləcəyi layihənin iştirakçıları üçün kiçik bizneslərini qurmaları məqsədi ilə fəaliyyət sahələri artıq müəyyən edilib. Layihəyə müraciət edən şəxslərin sayı artıq 3 minə yaxındır.

Bunu əmək və əhalinin sosial müdafiəsi naziri Sahil Babayev Nazirlikdə Dünya Bankının Cənubi Qafqaz üzrə regional direktoru Sebastian Molineus ilə keçirilən görüşdə bildirib.

Nazir Prezident İlham Əliyevin tapşırığına əsasən sosial müdafiə və aktiv məşğulluq proqramlarının genişləndirilməsi, həssas əhali qruplarının bu proqramlarla əhatə olunması istiqamətində aparılan işlər, sosial islahatlar barədə məlumat verib. Dünya Bankı ilə Nazirlik arasında ötən dövrdə birgə icra olunmuş layihələrin önəmini diqqətə çatdırıb. Əməkdaşlıq gündəliyinin son illərdə yeni istiqamətləri də əhatə etdiyini deyib.

Əmək qanunvericiliyinin və əlilliyin qiymətləndirilməsi sisteminin qabaqcıl beynəlxalq təcrübə əsasında təkmilləşdirilməsi, əlilliklə bağlı siyasət və prosedurların inkişaf etdirilməsi üzrə yeni əməkdaşlıq təcrübəsinin də formalaşmaqda olduğunu bildirib.

S.Babayev həmçinin Beynəlxalq Maliyyə Korporasiyası ilə əməkdaşlığı qeyd edib. Əmək müfəttişliyi sistemində risk əsaslı nəzarət və təkmil mexanizmin yaradılması, bunun üçün zəruri institusional bazanın hazırlanması sahəsində bu əməkdaşlığın önəmini diqqətə çatdırıb.

Görüşdə Dünya Bankı və Nazirliyin birgə layihələri üzrə görülmüş işlər və gələcək əməkdaşlıq perspektivləri müzakirə olunub.

Əlil Təşkilatları İttifaqı

 
 

Bu xəbər 1118 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”