XƏBƏRLƏR
- 15/7/2021 “Fərdi elektron pəncərə”
Qeyri-hökumət təşkilatlarının fəaliyyəti üçün əlverişli mühitin yaradılması, onlara göstərilən hüquqi xidmətin səviyyəsinin yüksəldilməsi məqsədilə qanunvericiliyə edilmiş dəyişikliklərə əsasən Azərbaycan Respublikası Prezidentinin 2013-cü il 20 noyabr tarixli Fərmanı ilə yaradılmış “Fərdi elektron pəncərə” elektron məlumat sistemi vasitəsilə təsis sənədlərinə edilən dəyişikliklərin dövlət qeydiyyatı və onlar tərəfindən qəbul edilən və verilən maliyyə vəsaitlərinin qeydə alınması və müvafiq çıxarışların, bildirişlərin elektron qaydada verilməsi təşkil edilmişdir.
Bununla bağlı müvafiq proqram təminatının funksionallığının yoxlanılması məqsədilə 15 iyul 2021-ci il tarixdən etibarən sistemin sınaq rejimində tətbiqinə başlanılacaqdır. “Fərdi elektron pəncərə” elektron məlumat sisteminin xidmətlərinin sınaq versiyasından Azərbaycan Respublikasının Ədliyyə Nazirliyi tərəfindən iştirakçılara verilmiş istifadəçi adı və şifrə vasitəsilə istifadə edilə bilər. ( Keçidə daxil olmaq )
Xidmətlə bağlı yaranmış sualların cavablandırılması, həmçinin sistemin təkmilləşdirilməsi məqsədilə təkliflər “Fərdi elektron pəncərə” elektron məlumat sistemi vasitəsi ilə və ya fep@justice.gov.az elektron poçt ünvanına göndərilə bilər.
Əlil Təşkilatları İttifaqı
Bu xəbər 947 dəfə oxunub
1.jpg)
