XƏBƏRLƏR

10/8/2021 Türkiyənin ölkəmizdəki səfiri Cahit Bağcı 4 saylı DOST Mərkəzi ilə tanış olub

 

Türkiyənin ölkəmizdəki səfiri Cahit Bağcı 4 saylı

DOST Mərkəzi ilə tanış olub

Türkiyə Respublikasının Azərbaycan Respublikasındakı fövqəladə və səlahiyyətli səfiri Cahit Bağçı Əmək və Əhalinin Sosial Müdafiəsi Nazirliyinin tabeliyindəki DOST Agentliyinin 4 saylı DOST Mərkəzində olub.

Əmək və əhalinin sosial müdafiəsi nazirinin müavini Anar Kərimov səfirə DOST konsepsiyası barədə məlumat verib. DOST Agentliyi və mərkəzlərinin Prezident İlham Əliyevin 2018-ci il 9 avqust tarixli Fərmanı ilə yaradıldığını diqqətə çatdırıb. Nazir müavini  Birinci vitse-prezident, Heydər Əliyev Fondunun prezidenti Mehriban xanım Əliyevanın təşəbbüsü olan DOST konsepsiyasının dövlət sosial xidmətlərinin vahid platformadan, “bir pəncərə”dən, tam şəffaf və operativ, vətəndaş rahatlığı prinsipi və sadə prosedurlar əsasında təqdim olunmasına şərait yaratdığını vurğulayıb.

A.Kərimov indiyədək Bakı şəhəri və Abşeron rayonu üzrə artıq 5 DOST Mərkəzinin yaradıldığını deyib. O, 2019-2025-ci illər üzrə Bakıda və ölkəmizin regionlarında 17 DOST mərkəzi və 47 DOST filialının açılmasının nəzərdə tutulduğunu diqqətə çatdırıb.

DOST Agentliyinin sədri Fərid Məmmədov səfiri paytaxtın Binəqədi və Nərimanov rayonları üzrə xidmət göstərən 4 saylı DOST Mərkəzinin fəaliyyəti, buradakı xidmət bölmələri, əhaliyə xidmətlərin göstərilməsi prosesi ilə tanış edib. Burada əmək, məşğulluq, sosial müdafiə, əlillik, pensiya, sosial sığorta, reabilitasiya, sosial müavinət və təqaüd, sosial xidmətlər və s. sahələr üzrə 152 növdə xidmətin göstərildiyi bildirilib. DOST Agentliyinin yaradılmasının ötən gün artıq 3 ilinin tamam olduğu,  bu vaxta kimi 472 minədək vətəndaşa DOST xidmətləri göstərildiyi, bu xidmətlərdən vətəndaş məmnunluğunun 97,5% təşkil etdiyi diqqətə çatdırılıb.

C.Bağçı mərkəzdəki İnklüziv İncəsənət Məktəbi, burada əlilliyi olan şəxslərin hazırladıqları əl işləri ilə də tanış olub. “142-Çağrı Mərkəzi”nin fəaliyyəti ilə tanış olan səfirə “Könüllü DOST” proqramı barədə məlumat verilib. İndiyə qədər 940 nəfərin bu proqramın məzunu olduğu, onlardan 99-nun DOST Agentliyi və DOST mərkəzlərində işlə təmin edildiyi, hazırda həmin mərkəzlərdə 186 könüllünün fəaliyyət göstərdiyi qeyd edilib.

DOST mərkəzlərinin elektron sistemləri, hazırlanan virtual DOST aplikasiyası, e-sistemlər üzərindən həyata keçirilən proaktiv təyinat mexanizmləri barədə də məlumat verilib.

C.Bağçı mərkəzdə vətəndaşlara müasir əsaslarla, şəffaf və operativ şəkildə, vətəndaş rahatlığı prinsipi ilə göstərilən xidmətlərlə bağlı xoş təəssüratlarını ifadə edib. Səfir DOST layihəsinin uğurlu bir yenilik, innovativ təcrübə olduğunu bildirib.

 

Əlil Təşkilatları ittifaqı

 
 

Bu xəbər 1320 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”