XƏBƏRLƏR

7/12/2021 “Yaxşı idarəçiliyin təbliğində Ombudsmanın və vətəndaş cəmiyyəti institutlarının rolu” mövzusunda hibrid formatda tədbir təşkil olunub

Azərbaycan Respublikasının İnsan Hüquqları üzrə Müvəkkili (Ombudsman) Aparatı Almaniya Beynəlxalq Əməkdaşlıq Cəmiyyəti (GIZ) ilə birgə “Yaxşı idarəçiliyin təbliğində Ombudsmanın və vətəndaş cəmiyyəti institutlarının rolu” mövzusunda dəyirmi masa təşkil edib. 10 Dekabr - Beynəlxalq İnsan Hüquqları Gününə həsr olunmuş və hibrid formatda keçirilən tədbirdə dövlət qurumları, məhkəmə orqanları, vətəndaş cəmiyyəti institutları, beynəlxalq qurumlar, səfirliklər və xarici ölkələrin ombudsman təsisatlarının nümayəndələri iştirak ediblər.

Tədbirin açılış hissəsində Ombudsman Səbinə Əliyeva, BMT-nin rezident əlaqələndiricisi Vlandanka Andreyeva, Almaniya Federativ Respublikasının Azərbaycandakı səfiri Volfqanq Maniq, GIZ-in Azərbaycan üzrə direktoru Karin Hörhan çıxış ediblər. 

Daha sonra Baş Prokuror yanında Korrupsiyaya qarşı Mübarizə Baş İdarəsinin rəisi Nazim Rəcəbov, Ali Məhkəmənin İnzibati Kollegiyasının sədri Xaqani Məmmədov, Penitensiar Xidmətin rəis müavini Orxan Qasımov, Ombudsman Aparatının Beynəlxalq təşkilatlar və vətəndaş cəmiyyətləri institutları ilə əməkdaşlıq şöbəsinin müdiri Zaur Vəliməmmədli, Elektron Hökumətin İnkişafı Mərkəzinin direktoru Fariz Cəfərov,  “Hüquqi Təhlil və Araşdırmalar” İctimai Birliyinin sədri Ramil İskəndərli müxtəlif məruzələrlə çıxış ediblər. 

Türkiyə Ombudsmanı Fatma Benli Yalçın, Mərakeş Krallığı Ombudsmanı Mohamed Benalilou, Avropa Şurası Anti-diskriminasiya Departamentinin bölmə rəhbəri Stefano Valenti tədbirə videokonfrans formatında qoşularaq çıxış ediblər.

Ombudsman Səbinə Əliyeva açılış nitqi ilə çıxışı zamanı qonaqları salamlayıb və milli insan hüquqları təsisatlarının vətəndaş cəmiyyəti institutları ilə əməkdaşlığının vacibliyinə toxunub.

Tədbirin Beynəlxalq İnsan Hüquqları Gününə həsr edildiyini bildirən Ombudsman Vətən müharibəsində qazanılan zəfərin artıq məcburi köçkün vətəndaşlarımızın fundamental insan hüquqlarının təmininə zəmin yaratdığını vurğulayıb. 

S.Əliyeva nəzərə çatdırıb ki, pandemiya dövründə insanların Ombudsman təsisatına müraciət etməsi üçün imkanlar genişləndirilib. Bununla yanaşı, Ombudsman Aparatında şəhid ailələri və müharibə veteranları, əlilliyi olan şəxslər, uşaqlar kimi həssas əhali qruplarının hüquqları ilə bağlı ayrıca sektorlar yaradıldığı, bu sahədə vətəndaş cəmiyyəti ilə daha sıx əməkdaşlıq edildiyi qeyd olunub. 

Tədbirdə Ombudsmanın GIZ ilə əməkdaşlığı çərçivəsində aidiyyəti dövlət qurumları və vətəndaş cəmiyyəti institutları üçün Ombudsman Aparatının təlimçi ekspertləri tərəfindən yaxşı idarəçiliyin təbliği ilə bağlı Quba, Şəki, Lənkəran və Gəncədə keçirilmiş təlimlərin yekunlarına dair müzakirə aparılıb. 

 

Əlil Təşkilatları İttifaqı

 

Bu xəbər 893 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”