XƏBƏRLƏR

10/2/2022 "Əlilliyi olan şəxslərə sosial dəstək” İctimai Birliyi “SOSİAL MEDİANIN İDARƏ EDİLMƏSİ” adlı layihənin icrasına başlayıb.

"Əlilliyi olan şəxslərə sosial dəstək” İctimai Birliyi “SOSİAL MEDİANIN İDARƏ EDİLMƏSİ” adlı layihənin icrasına başlayıb.

     Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə 01 fevral 2022-ci il tarixindən 30 aprel 2022-ci il tarixinədək Bakı şəhərinin Yasamal rayonunda icra olunacaq.  "Əlilliyi olan şəxslərə sosial dəstək” İctimai Birliyi tərəfindən icra olunan  layihənin əsas məqsədi əllilliyi olan gənclərin cəmiyyətə inteqrasiya etmələri və özlərini müstəqil fərd kimi sübut etmələridir. Layihənin icrası zamanı gənclərə sosial şəbəkələrdən səmərəli istifadə etməyin, sosial şəbəkə üzərindən  öz bizneslərini qurmağın yolları öyrədiləcək. Gənclərə 12 təlim keçiləcək. 2 ayın tamamında hər hansı tanınmış bir şirkətə ekskursiya edərək Sosial Media haqqında biliklərini daha da təkmilləşdirəcəklər.

      Bu müddət ərzində kontentin hazırlanma qaydası göstəriləcək, fikirlərini yazı ilə ifadə edərək müxtəlif mövzulara uyğun paylaşımlar edərək hədəf kütləsini cəlb etməyin yolları öyrədiləcək. Təlimlərdə müxtəlif internet resurslarından istifadə olunacaq, müzakirələr aparılacaq, insanlara fayda verməyin yolları və internet üzərindən biznes quraraq  faydalanmağın  yolları öyrədilcək Təlimlərdə Youtube, Instagram, Facebook, Linkedin, Tiktok və s.sosial şəbəkələr üzərindən öz biznesini qurmağın, öz brendlərini yaratmağın yolları da öyrədiləcək. Bu da  əlilliyi olan gənclərdə özlərinə olan inamın, sevginin daha da artmasına, özlərini yararlı hiss etmələrinə səbəb olacaq.

Layihənin gedişində təşkilatın “Sosial dəstək” adlı saytı yaradılacaq və iştirakçılara saytı idarə etməyin yolları da öyrədiləcək.

Layihənin  sonunda əlilliyi olan 10 gənc Sosial Media sahəsində yeni biliklər öyrənərək əlavə bacarıqlar əldə edəcəklər. Bu da onların gələcək həyatında, işə qəbulunda və özünü inkişaf etdirməsində, sosial media üzərindən öz biznesini quraraq  faydalanmasına  böyük dəstək olacaq. 

      Birliyin “Sosial dəstək” saytının yaradılması əlilliyi olan şəxslərin mariflənməsinə, onların bacarıqlarının təşviq edilməsinə, məlumatlılığın artmasına səbəb olacaq.

 
  

Bu xəbər 732 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”