XƏBƏRLƏR

21/2/2022 Yaponiyanın ölkəmizdəki səfiri DOST İnklüziv İnkişaf və Yaradıcılıq Mərkəzi ilə tanış olub

Yaponiyanın ölkəmizdəki səfiri DOST İnklüziv İnkişaf və

Yaradıcılıq Mərkəzi ilə tanış olub

Yaponiyanın Azərbaycandakı səfiri Vada Cüniçi Əmək və Əhalinin Sosial Müdafiəsi Nazirliyinin DOST İnklüziv İnkişaf və Yaradıcılıq Mərkəzində əlilliyi olan şəxslərin yaradıcılıq potensialının inkişafı üçün yaradılan şəraitlə tanış olub.

Mərkəzdə V.Cüniçi ilə keçirilən görüşdə əmək və əhalinin sosial müdafiəsi nazirinin müavini Hidayət Abdullayev ölkəmizdə əlilliyi olan şəxslərin sosial müdafiəsi və reabilitasiyası, cəmiyyətə fəal inteqrasiyası sahəsində aparılan dövlət siyasəti barədə məlumat verib.

Qeyd olunub ki, ötən ilin oktyabr ayında Prezident İlham Əliyev, birinci xanım Mehriban Əliyeva və qızları Leyla Əliyevanın iştirakı ilə Bakıda açılışı olan DOST İnklüziv İnkişaf və Yaradıcılıq Mərkəzi də əlilliyi olan insanların istedad və inteqrasiyasına xüsusi qayğının növbəti təzahürüdür. Mərkəz Birinci vitse-prezident Mehriban Əliyevanın təşəbbüsü ilə yaradılıb və Cənubi Qafqazda ilk dəfə olaraq kifayət qədər çoxşaxəli fəaliyyət sahələrini əhatə edən ən böyük inklüziv yaradıcılıq və inkişaf məkanıdır.

V.Cüniçi Mərkəzdə əlilliyi olan şəxslərin yaradıcılıq qabiliyyətlərinin inkişafı ilə bağlı yaradılan şərait, burada aparılan işlər, dövlətimizin əlilliyi olan şəxslərin sosial müdafiəsi və inteqrasiyası sahəsində siyasəti barədə xoş təəssüratlarını qeyd edib. 

İki ölkədə aparılan sosial islahatlara və gələcək əməkdaşlığa dair fikir mübadiləsi aparılıb.

Azərbaycan və Yaponiya arasında diplomatik əlaqələrin qurulmasının 30 illik yubileyi münasibəti ilə Nippon Fondu, Milli Abilimpiya Federasiyası və Əmək və Əhalinin Sosial Müdafiəsi Nazirliyinin birgə əməkdaşlığı çərçivəsində Azərbaycanda “True Color Festival”ının keçirilməsi, Yaponiya və Azərbaycanda olan abilimpiya hərəkatı barədə müzakirələr aparılıb.

Görüşdə səfir Azərbaycan tərəfini Yaponiyadakı inklüziv müəssisələrlə tanışlıq, təcrübə mübadilələri üçün ölkəsinə dəvət edib.

Qonaqlara əlilliyi olan şəxslərin əl işləri və “Əlillik qüsur deyil” kitab-albomu hədiyyə olunub.

Əlil Təşkilatları İttifaqı

  
 

Bu xəbər 664 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”