XƏBƏRLƏR

15/3/2022 Əlil Təşkilatları İttfaqının növbəti XVIII ümumi yığıncağı keçirilmişdir.

Əlil Təşkilatları İttfaqının növbəti XVIII ümumi yığıncağı keçirilmişdir.

Əlil Təşkilatları İttfaqının növbəti XVIII ümumi yığıncağı keçirilmişdir. İdarə heyətinin qərarı ilə 3 nəfərdən ibarət yaradılmış Təşkilat Komitəsinin sədri “Əlilliyi olan şəxslərə dəstək” ictimai birliyinin sədri Təranə xanım Musayeva ümumi yığıncağa hazırlıq işləri barədə  məlumat vermiş, 32 təşkilatın nümayəndəsini təqdim etməsini bildirmiş, reqlamenti yığıncaq iştirakçılarının diqqətinə çatdırmışdır. Sonra yetərsayın olduğu bildirilmiş və yığıncağın rəhbər orqanlarının seçilməsini təklif etmişdir. Davud RƏHİMLİ iclasın sədri, Ramilə MAHMUDOVA katib seçilmişdir.

Gündəlik təsdiq olunduqdan sonra Əlil Təşkilatları İttifaqının prezidenti hesabat vermişdir. Hesabatda İttifaqın Nizamnamə tələbləri, həyata keçirilmiş layihələr, əlilliyi olan şəxslərə və onların təşkilatlarına göstərilmiş xidmətlər, milli və beynəlxalq təşkilatlarda təmsilçilik və əməkdaşlıq, problemlər və nəzərdə tutulan fəaliyyət istiqamətləri qeyd olunmuşdur.

Hesabat ətrafında çıxışlarda görülmüş işlər qənaətbəxş hesab edilmişdir. Eyni zamanda təşkilatları və müxtəlif kateqoriyalı əlilliyi olan şəxslərin rastlaşdıqları aktual problemlər çıxış və müzakirələrdə özünə yer almışdır. Qeyd olunmuşdur ki, üzv təşkilatların bəziləri nə İttifaqın tədbirlərində, nə də öz Nizamnamə öhdəliklərinin həyata keçiriməsində passivlik göstərərlər. Onların aktivliyinin artırılması, İttifaqın fəaliyyətində daha fəal iştirak etmələri istiqamətində araşdırmaların aparılması yeni seçiləcək idarə heyətinə tapşırılmışdır.

Hesabat dövrü ərzində İdarə Heyəti tərəfindən yeni üzv qəbul olan təşkilatların üzvlüyü təsdiqlənmişdir.

Əlil Təşkilatları İttifaqının fəaliyyətində xidmətlərinə görə Hemofiliyalı Xəstələrin Resublika Asosiasiyasının sədri olmuş Gülnarə xanım Hüsenova ƏTİ-nin Fəxri üzvü seçilmiş və Fəxri Fərmanla təltif olunmuşdur.

Qeyd olunmuşdur İttifaqın rəhbər orqanlarına İdarə Heyətinə, Nəzarət-təftiş Komissiyasına, Prezidentliyə üzv təşkilatlar tərəfindən namizədlər irəli sürülmüşdür. Bunun əsasında 13 nəfərdən ibarət İdarə Heyəti, 3 nəfərdən ibarət Nəzarət-təftiş Komissiyası və Prezidenti seçilmidir.  

Bundan sonra Əlil Təşkilatları İttifaqının növbəti dövr fəaliyyət planı, Qətnamə, və Avropa Parlamentinin 10 mart 2022-ci il tarixli qətnaməsinə dair BƏYANAT qəbul olunmuşdur.

 

Bu xəbər 1000 dəfə oxunub

Oxşar xəbərlər:

• - Əlilliyi olan insanların mövcud problemləri və onların həlli yolları"
• - GÜLƏN ÇOCUQ FESTİVALI
• - "İnkluziv ədalət” regionlarda
• - İnkluziv ədalət
• - Əlilliyi olan şəxslərin məşğulluğunun təmini
• - “Layihə Univerisiteti”nin təlimi davam edir
• - “Əlilliyi olan şəxslərin reabilitasiyası və sosial müdafiəsi: problemlər və perspektivlər”
• - Özünüməşğulluq proqramı çərçivəsində yaradılan ailə təsərrüfatları ölkədə kiçik ailə biznesinin genişlənməsinə şərait yaradıb (VİDEO)
• - Beynəlxalq Qramaski Təşkilatının və “Zaparoji Kazakları”-nın (BGT ZK) Ali Məclisinin Konkfansı
• - Sosial Xidmətlər Agentliyi
• - "Xəstəlik, əlillik və ya ahıllıqla əlaqədar özünəqulluq qabiliyyəti olmayan şəxslərə qulluq və kömək göstərə biləcək qohumların olmamasının müəyyən edilməsi Qaydası"nın təsdiq edilməsi barədə