XƏBƏRLƏR

18/5/2022 DOST mərkəzləri “Avropa İttifaqı Biznes Mühiti Hesabatı-2021”də təkmil islahat kimi dəyərləndirilib

DOST mərkəzləri “Avropa İttifaqı Biznes Mühiti Hesabatı-2021”də

təkmil islahat kimi dəyərləndirilib

 

Əmək və Əhalinin Sosial Müdafiəsi Nazirliyinin DOST Agentliyi növbəti beynəlxalq uğura imza atıb. Avropa İttifaqının (Aİ) iqtisadi əməkdaşlıq üzrə nailiyyətlər və Azərbaycanda biznes mühitinin inkişaf etdirilməsinə dair “Aİ Biznes Mühiti Hesabatı-2021” nəşrində DOST mərkəzləri ölkədə həyata keçirilmiş təkmil islahatlardan biri kimi dəyərləndirilib.

“Aİ Biznes Mühiti Hesabatı-2021” Azərbaycandakı mövcud biznes mühitinin müstəqil qiymətləndirilməsini təmin edir və trendləri müəyyən etməyə imkan verir. Təcrübəli ekspertlərin iştirakı ilə keçirilən bu ilki sorğuların nəticəsi Azərbaycanda fəaliyyət göstərən, 24 Avropa ölkəsindən olan 139 şirkət arasında aparılmış sorğu və 27 müsahibəyə əsaslanır.

Hesabatda Azərbaycanda siyasi və sosial stabillik investorlar tərəfindən əsas qiymətləndirilən faktor kimi göstərilib. Bundan əlavə, nəşrdə biznes intizamı etikası, korrupsiyanın aradan qaldırılması üzrə tədbirlər və peşə təhsilinin keyfiyyəti inkişaf etdirilən amillər kimi göstərilib.

Sosial islahatların sırasında DOST mərkəzlərinin fəaliyyəti investorlar tərəfindən xüsusilə qiymətləndirilib. Nəşrdə 2021-ci ildə ölkəmizdə daha iki DOST mərkəzinin açıldığı, 2025-ci ilə qədər bütün ölkə ərazisini əhatə edəcək 17 DOST mərkəzinin fəaliyyətə başlayacağı qeyd olunub.

Bundan əlavə, DOST Agentliyinin BMT Əhali Fondu, BMT İnkişaf Proqramı, Beynəlxalq Əmək Təşkilatı və digər beynəlxalq qurumlarla əməkdaşlıqda müxtəlif proqramlarda iştirakı diqqətə çatdırılır. Xüsusilə də Agentliyin fəaliyyətinin effektivliyinin beynəlxalq təsdiqi olaraq 2022-ci ilin aprel ayında Avropa Sosial Şəbəkəsinin Avropa Sosial Xidmətləri Mükafatına layiq görüldüyü vurğulanıb.

Qeyd edək ki, təkcə bu il DOST Agentliyi 5 beynəlxalq mükafatla - Avropa Sosial Şəbəkəsinin Avropa Sosial Xidmətlər Mükafatı, Beynəlxalq Pensiya və Sosial Fondlar Assosiasiyasının (BPSFA) mükafatı və Beynəlxalq Sosial Təminat Assosiasiyasının (BSTA) 3 mükafatı ilə təltif olunub.

DOST bu gün Avropa Sosial Şəbəkəsi Şurasının Avropa İttifaqı üzvü olmayan yeganə dövlət qurumu, eyni zamanda şəbəkənin tədbir və müzakirələrinin fəal iştirakçısı olan yeganə MDB təmsilçisidir.

Bu uğurlar Prezident İlham Əliyevin sosial islahatlar proqramının nailiyyətlərinin, o cümlədən DOST konsepsiyasının beynəlxalq səviyyədə də yüksək qiymətləndirildiyini bir daha təsdiq edir. Birinci vitse-prezident Mehriban Əliyevanın təşəbbüsü olan DOST konsepsiyası ölkəmizin mühüm sosial uğurlarından biri olmaqla, 154 dövlət sosial xidmətinin “bir pəncərə”dən, operativ, şəffaf, vətəndaş məmnunluğuna uyğun təqdim olunmasına imkan verib.

 

Əlil Təkilatları İttifaqı

 

Bu xəbər 879 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”