XƏBƏRLƏR

25/5/2022 Azərbaycanda reabilitasiya xidmətlərinə və köməkçi texnologiyalara əlçatanlığın genişləndirilməsi üzrə ÜST-nin missiyası öz işini yekunlaşdırıb

Bakı, 24 may, AZƏRTAC

Ümumdünya Səhiyyə Təşkilatı (ÜST) Azərbaycanda reabilitasiya və köməkçi texnologiya (KT) və xidmətlərə əlçatanlığın genişləndirilməsinə texniki dəstək göstərmək məqsədilə 4 günlük missiya həyata keçirib.

ÜST-nin Azərbaycandakı nümayəndəliyindən AZƏRTAC-a bildirilib ki, missiyanın məqsədi KT-nin Sürətli Qiymətləndirilməsi (rATA) üzrə ÜST-nin sorğusundan sonra növbəti addımları müəyyənləşdirmək, mövcud milli reabilitasiya və KT təchizatını və sistemini qiymətləndirmək, Azərbaycanın KT yol xəritəsinin gələcək inkişafına dəstək olmaq, o cümlədən reabilitasiya və KT-nin səhiyyə və sosial siyasət sistemlərinə inteqrasiyası üzrə texniki yardım göstərməkdən ibarət olub.

ÜST-nin Avropa üzrə regional ofisindən reabilitasiya və əlilliyin inklüzivliyi üzrə texniki direktor Kathal Morqan, köməkçi texnologiyalar üzrə regional məsləhətçi Andrea Pupulin və “ATscale - köməkçi texnologiyalar üzrə Qlobal Tərəfdaşlığı”n siyasət və sistemlər üzrə mütəxəssisi Anil Kaşyapdan ibarət missiya Səhiyyə Nazirliyi, Əmək və Əhalinin Sosial Müdafiəsi Nazirliyi, Təhsil Nazirliyi, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB), Azərbaycan Dövlət Bədən Tərbiyəsi və İdman Akademiyası, USAID, Avropa İttifaqının Azərbaycandakı nümayəndəliyi, UNICEF və əlilliyi olan şəxslərlə işləyən QHT-lərin nümayəndələri ilə görüşüb. Missiya üzvləri, həmçinin 1 saylı şəhər poliklinikası və Elmi-Tədqiqat Tibbi Bərpa İnstitutu, Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat Reabilitasiya Mərkəzi, DOST Agentliyini ziyarət edib, Azərbaycan Dövlət Bədən Tərbiyəsi və İdman Akademiyasının “İdman tibbi və reabilitasiya” ixtisası üzrə tədris və elmi-tədris laboratoriyasına baxış keçirib.

ÜST insanların həyat keyfiyyətini yaxşılaşdırmaq üçün səhiyyə sistemlərində reabilitasiya və köməkçi texnologiya məhsullarına əlçatanlığın genişləndirilməsi ilə bağlı qlobal miqyasda təşəbbüslər həyata keçirir. Bu həyati əhəmiyyətli sahələr Ümumdünya Səhiyyə Assambleyası tərəfindən qəbul edilmiş “Reabilitasiya 2030 Fəaliyyətə Çağırış” və “Köməkçi Texnologiyalar üzrə Qlobal Əməkdaşlıq” (GATE) təşəbbüslərində öz əksini tapan qlobal fəaliyyət çağırışlarının əsasını təşkil edir.

“ATscale - Köməkçi Texnologiyalar üzrə Qlobal Tərəfdaşlıq“ 2030-cu ilə qədər daha 500 milyon insanın köməkçi texnologiyalara əlçatanlığını təmin etmək üçün fəaliyyətin sürətləndirilməsini nəzərdə tutur. Bu, sektorlararası tərəfdaşlıq dəyişikliyi sürətləndirmək, mövcud fəaliyyəti inkişaf etdirmək və əlaqələndirmək, o cümlədən uyğun KT-yə əlçatanlığı artırmaq üçün qlobal tərəfdaşları vahid strategiyalarla səfərbər etmək məqsədi daşıyır. Sözügedən təşəbbüs həmçinin səhiyyə və sosial qayğı sisteminin tərkib hissəsi kimi reabilitasiyanın inkişafı və gücləndirilməsi üçün olduqca əhəmiyyətlidir.

 

Əlil Təşkilatları İttifaqı

 

Bu xəbər 621 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”