XƏBƏRLƏR

25/8/2022 Əlilliyi olan şəxslərə münasibətdə bir sıra vulqar, qaba ifadələr etik və müasir yanaşmaya uyğun yeni ifadələrlə əvəzlənib

Əlilliyi olan şəxslərə münasibətdə bir sıra vulqar, qaba ifadələr etik və müasir yanaşmaya uyğun yeni ifadələrlə əvəzlənib

 

 Son illər ölkəmizdə BMT-nin "Əlilliyi olan şəxslərin hüquqları haqqında" Konvensiyasına uyğun şəkildə aparılan islahatlarla əlilliyi olan şəxslərlə bağlı qanunvericilikdə mühüm təkmilləşdirmələr aparılıb.

Təkmilləşdirmələrin bir istiqaməti kimi, qanunvericilikdə əlilliyi olan şəxslərə münasibətdə onlarda neqativ hisslər, özünə inamsızlıq yaradan bir sıra vulqar, bayağı, kobud ifadələr müasir və etik yanaşmaya uyğun yeni ifadələrlə əvəzlənib.

Bununla bağlı 40-dək qanunvericilik aktında dəyişiklik edilib və həmin dəyişikliklər təsdiqlənib.

Belə ki:

· “lal” sözü - “nitq qabiliyyəti tam məhdud olan” sözləri ilə,

· “kor” sözü - “görmə qabiliyyəti tam məhdud olan” sözləri ilə,

· “kar” sözü - “eşitmə qabiliyyəti tam məhdud olan” sözləri ilə,

· “kəmağıllıq” sözü – “əqli gerilik” sözləri ilə,

· “şikəst olan” sözləri - “əlilliyi müəyyən edilmiş” sözləri ilə,

· “bədən qüsuru” sözləri - “fiziki çatışmazlıq” sözləri ilə,

· “şikəstlik” sözü - “xəsarət” sözü ilə

və s. əvəz edilib.

 Əvvəlki ifadələr əlilliyi olan şəxslərlə bağlı müəyyən mənfi stereotiplərin yaranmasına, onların sosial inteqrasiyasında çətinliklərə səbəb olurdu.

Əlilliyi olan şəxslərə münasibətdə istər danışıqda, istərsə də yazılı mətnlərdə yeni dəyişikliklərə uyğun ifadələrin işlədilməsi həmin şəxslərə, onların xüsusiyyətlərinə hörmətlə yanaşılmasını özündə ehtiva edir.

 

Əlil Təşklatları İttifaqı

 

Bu xəbər 657 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”