XƏBƏRLƏR

15/11/2022 Beynəlxalq Sosial Təminat Assosiasiyası Azərbaycanın sosial islahatlar təcrübəsini yüksək qiymətləndirir

Beynəlxalq Sosial Təminat Assosiasiyası Azərbaycanın sosial islahatlar

təcrübəsini yüksək qiymətləndirir

 

Təşkilat bu təcrübənin digər ölkələrdə də tətbiqini təşviq edir.

 

Azərbaycanda son illər sosial sahədə, o cümlədən sosial təminat sistemində aparılan islahatların uğurlu nəticələri var və Beynəlxalq Sosial Təminat Assosiasiyası (BSTA) Azərbaycanın sosial islahatlar təcrübəsini yüksək qiymətləndirir.

Bunu ölkəmizdə səfərdə olan BSTA-nın Prezidenti Məhəmməd Azman onunla Əmək və Əhalinin Sosial Müdafiəsi Nazirliyində keçirilən görüşdə vurğulayıb.

Əmək və əhalinin sosial müdafiəsi naziri Sahil Babayev M.Azmanı bu günlərdə BSTA prezidenti seçilməsi münasibəti ilə təbrik edib, ona uğurlar arzulayıb. Nazir BSTA-nın qlobal müstəvidə sosial təminat sistemlərinin təkmilləşdirilməsi işlərinə verdiyi töhfələri qeyd edib.

Azərbaycanda son illər aparılan sosial islahatlar, sosial ödənişlərdəki ciddi artımlar, xidmətlərin elektronlaşdırılması, proaktiv təyinat mexanizmlərinin qurulması istiqamətində əldə olunan uğurlar diqqətə çatdırılıb.

Bildirilib ki, aparılan islahatlara beynəlxalq səviyyədə yüksək qiymət verilir. Bu il Nazirlik qurumları 11 beynəlxalq mükafatla təltif ediliblər. O cümlədən DOST Agentliyi və Dövlət Sosial Müdafiə Fondu (DSMF) BSTA tərəfindən də 4 mükafat və bu günlərdə keçirilən Dünya Sosial Təminat Forumunda (Mərakeş) üç Mükəmməllik Sertifikatı ilə təltif olunublar.  Fond həmçinin “2022-ci ilin Beynəlxalq Dövlət Qurumu” (Böyük Britaniya) ali mükafatına layiq görülüb. Nazirliyin qurumlarına 2021-2022-ci illərdə 12 beynəlxalq ISO sertifikatı da təqdim edilib.

2019-cu ilin iyun ayında BSTA-nın Avropa Forumu Bakıda keçirilib. Forum çərçivəsində də Nazirliyin təqdim etdiyi layihələr  müsbət dəyərləndirilərək, xüsusi mükafatlara layiq görülüb.

Görüşdə BSTA ilə Əmək və Əhalinin Sosial Müdafiəsi Nazirliyi, o cümlədən Dövlət Sosial Müdafiə Fondu arasındakı uğurlu əməkdaşlıqdan bəhs olunub. Bu günlərdə DSMF sədrinin BSTA-nın Büro üzvü və Komitə sədri seçilməsinin BSTA ilə qarşılıqlı faydalı əməkdaşlığın daha da genişlənməsinə töhfə verəcəyinə əminlik ifadə edilib. Gələcək əməkdaşlığa, habelə DOST Agentliyinin də BSTA-ya üzv olması istiqamətində aparılan işlərə dair fikir mübadiləsi aparılıb.

 

Əlil Təşkilatları İttifaqı

 

Bu xəbər 474 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”