XƏBƏRLƏR
- 10/12/2022 Ukraynaya humanitar yardımın növbəti hissəsi yaxın günlərdə yola salınacaq
Yaxın günlərdə humanitar yardımın növbəti hissəsi də Ukraynaya yola salınacaq.
AZƏRTAC xəbər verir ki, bu sözləri dekabrın 10-da Azərbaycanın Ukraynaya humanitar yardım göndərməsi ilə bağlı tədbirdə "Azərenerji" Açıq Səhmdar Cəmiyyətinin səlahiyyətli nümayəndəsi Səməd İslamov deyib.
“Azərbaycan və Ukrayna arasında sıx əməkdaşlıq əlaqələri mövcuddur. Ümumiyyətlə, dövlətlərimiz və xalqlarımız arasındakı münasibətlərin zəngin tarixi var. Bu gün Ukraynanın böhranlı və çətin günlərində yenə də Azərbaycan dost Ukrayna xalqının yanındadır və dost ukraynalılar üçün biz növbəti humanitar yardımı göndəririk”, - deyə “Azərenerji”nin rəsmisi qeyd edib.
Müharibə nəticəsində Ukraynanın infrastrukturuna çox ciddi zərər dəydiyini vurğulayan S.İslamov əlavə edib: “Ukrayna ərazisində enerji təminatı baxımından böyük problemlər yaşanır. Məhz ona görə, Azərbaycan dövləti elektrik avadanlıqlarından ibarət növbəti yardımı Ukraynaya yola salır. “Azərenerji” ASC tərəfindən göndərilən bu yardıma 45 güc transformatoru və 50 generator daxildir. Ümumi dəyəri 1 milyon 422 manat, çəkisi 52 ton olan yardımın ilk hissəsi hazırda yola çıxır. Növbəti hissəsi isə yaxın günlərdə yola salınacaq. Ukrayna xalqına tezliklə sülhün bərqərar olmasını arzulayırıq və bu yardımlar mütəmadi olaraq göndəriləcək”.
Əlil Təşkilatları İttifaqı
Bu xəbər 402 dəfə oxunub
1.jpg)
