XƏBƏRLƏR

27/7/2023 “Əlilliyi olan şəxslərin cəmiyyətə inteqrasiyası və onlar arasında Abilimpiya hərəkatının və Paralimpiyanın təbliği”

Press-reliz

 

 İstedadlı Əlillər Ictimai Birliyinin Azərbaycan Respubilikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Əlilliyi olan şəxslərin cəmiyyətə inteqrasiyası və onlar arasında Abilimpiya hərəkatının və Paralimpiyanın təbliği” adlı layihənin  tədbiri Xırdalan şəhər AAAF-Park yaşayış kompleksində həyata keçirildi.

  Tədbiri giriş sözü ilə açan layihə rəhbəri Qubad Qasımov layihə barədə geniş məlumat verdi. Qubad Qasımov bildirdi ki, Layihə Bakı, Sumqayıt və Abşeron rayonunu əhatə etməklə 4 ay müddətində icra ediləcək. Layihənin məqsədi fiziki məhdudiyyəti olan vətəndaşlarımızın cəmiyyətə inteqrasiyasına dəstək olmaq, onların iştrakı ilə Abilimpiya hərəkatını və Paralimpiya idman növlərini təbliğ etmək və fiziki məhdud gəncləri peşə təlimlərinə, Paralimpiya idmanına cəlb etmək, onlara dəstək olmaqdan ibarətdir. Eyni zamanda fiziki məhdudiyyəti olan şəxsləri cəmiyyətimizin inkişafında aktivlik göstərməsinə, müxtəlif  tədbirlər və layihələrdə iştirak etmələrinə, sosial aktiv vətəndaşların bu sahəyə diqqətini yönəltmək və fiziki imkanları məhdud insanlara dəstək olmaq layihənin  məqsədləri sırasına daxildir. 

 Layihənin eksperti Paralimpiya komtəsinin numayəndəsi,Kamran Əliyev  tədbirdə əlilliyi olan şəxslərə Abilimpiya hərəkatı və Paralimpiya haqqında geniş və ətraflı məlumat verdi. 

Tədbirdə Abşeron rayon İcra Hakimiyyətinin  nümayəndəsi Vuqar Bəşirov, Abşeron rayon İcra Hakimiyyəti yanında İçtimai Şuranın sədri və şəhid Elçin Həsənlinin anası Xatirə İsmayılova,  ƏƏSMN-nin tabeliyində DMA Xızı-Abşeron filalının numayəndəsi Nicat Əlibəyli, SXA-nin numayəndəsi Cehun Ağayev, ƏTİ-nın Prizdenti Davud Rəhimli, Paralimpiya idmançıları və Ablimpiya Komtəsinin əməkdaşları, Vətən müharibəsi veteran və qaziləri və əlilliyi olan şəxslər iştirak etdilər. 

Tədbir çərçivəsində Abilimpiya hərəkatını və Paralimpiya idman növləri haqqında ətraflı məlumat verildikdən sonra, mövzu ətrafında geniş müzakirələr aparıldı və mövzu haqqında təkliflər səsləndirildi.    

Sonda tədbirə dəvət olunmuş istedadlı əlillərin ifasında mahnılar səsləndirildi. Tədbir musiqi ifaları ilə birlikdə 30-nəfərə qədər əlilliyi olan  şəxslərin əl işlərindən ibarət olan sərgi ilə davam etdirildi. Onu da qeyd edək ki, sərgi 27-28  iyul tarixlərinə qədər davam etdiriləcəkdir. Tədbirin sonunda Layihənin rəhbəri Qubad Qasımov layihəyə maliyyə dəstəyi göstərən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və tədbir iştirakşılarına öz təşəkkürünü bildirdi.   

“İstedadlı Əlillər” İctimai Birliyinin 

sədri. Qubad Qasımov

 

 

Əlil Təşkilatları İttifaqı

 

Bu xəbər 422 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”