XƏBƏRLƏR
- 15/9/2023 “Vətən əmanəti” qısametrajlı sənədli filmin təqdimatı keçirilib.
Press-reliz
Bu gün Qadın Hüquqlarının Himayə Mərkəzi İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı və İmişli Rayon İcra Hakimiyyətinin təşkilatçılığı ilə “Vətən əmanəti” qısametrajlı sənədli filmin təqdimatı keçirilib. İmişli şəhər A.Eminov adına 7 saylı tam orta məktəbdə təşkil olunan tədbirdə İmişli Rayon İcra Hakimiyyətinin başçısı Elçin Rzayev, Milli Məclisin deputatı Razi Nurullayev, şəhid ailələri, Qarabağ qaziləri, müəllim kollektivi və rayon ictimaiyyəti iştirak ediblər.
İlk öncə tədbirdə dövlət himni səsləndirilib, sonra şəhidlərimizin əziz xatirələri bir dəqiqəlik sükutla yad edilib. Tədbiri açılış nitqi ilə başlayan filmin redaktoru, Regional Sosial-İqtisadi İnkişaf üzrə Maarifləndirmə İctimai Birliyinin sədri Elnarə Məhərrəmova Layihə haqqında məlumat verərək qeyd etdi ki, “Vətən əmanəti” qısametrajlı sənədli film Ali baş Komandan İlham Əliyevin başçılığı ilə müzəffər ordumuzun 44 günlük keçdiyi rəşadətdən və böyük qələbəmizdən bəhs edir. Bu filmin əsas məqsədi gənclərimizin vətənpərvərliyə, döyüş əzmkarlığının artırılmasına, dövlətçiliyə və Ali Baş Komandanın ətrafında sıx birləşməsinə çağırış etməsidir. Vətənpərvərlikdən bəhs edən bu qısa metrajlı sənədli film, döyüşlərdə qəhrəmancasına həlak olmuş, xüsusi qəhrəmanlıq göstərərək şəhidlik zirvəsinə yüksəlmiş İsmayılov Elçin Mikayıl oğlunun həyatından və keçdiyi döyüş yolundan bəhs edir. Sonra filmin təqdimatı həyata keçirilib. Filmin təqdimatından sonra İmişli Rayon İcra Hakimiyyətinin başçısı Elçin Rzayev, Milli Məclisin deputatı Razi Nurullayev, şəhidimizin anası Balaxanım Qulamalıyeva şəhidin qəhrəmanlıqlarından danışıblar, həmçinin film haqqında öz təəssüratlarını və fikirlərini bildiriblər.
Qeyd edək ki, Layihənin rəhbəri Həqiqət Məmmədova, ideya və ssenari müəllifi Gəray Əlibəyov, quruluşçu operator Sənan Əlibəyov, quruluşçu rejissor Rais Bəhramidir.
Bu xəbər 328 dəfə oxunub
1.jpg)
