XƏBƏRLƏR

52. Narkoloji xəstəliklərin Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2002-ci il

Narkoloji xəstəliklərin Siyahısının təsdiq edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI
 

"Narkoloji xidmət və nəzarət haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2001-ci il 17 sentyabr tarixli, 581 nömrəli Fərmanının icrasını təmin etmək məqsədilə Azərbaycan Respublikasının Nazirlər Kabineti qərara alır:

1. "Narkoloji xəstəliklərin Siyahısı" təsdiq edilsin (əlavə olunur).

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ
 

Bakı şəhəri, 24 oktyabr 2002-ci il
№ 163

 

Azərbaycan Respublikası Nazirlər  Kabinetinin

2002-ci il 24 oktyabr tarixli, 163 nömrəli qərarı ilə
TƏSDİQ EDİLMİŞDİR

 

Narkoloji xəstəliklərin
SİYAHISI

I. Psixoaktiv maddələrin qəbulu nəticəsində yaranan

psixi və davranış pozuntuları, o cümlədən:

alkoqol qəbulu nəticəsində psixi və davranış pozuntuları;

opioidlərin qəbulu nəticəsində psixi və davranış pozuntuları;

kannabinoidlərin qəbulu nəticəsində psixi və davranış pozuntuları;

sedativ və ya yuxugətirici maddələrin qəbulu nəticəsində psixi və davranış pozuntuları;

kokain qəbulu nəticəsində psixi və davranış pozuntuları;

kofein daxil olmaqla digər stimulyatorların qəbulu nəticəsində psixi və davranış pozuntuları;

hallüsinogenlərin qəbulu nəticəsində psixi və davranış pozuntuları;

tütündən istifadə nəticəsində psixi və davranış pozuntuları;

uçucu həlledicilərin qəbulu nəticəsində psixi və davranış pozuntuları;

narkotiklərdən və digər psixoaktiv maddələrdən birlikdə istifadə nəticəsində psixi və davranış pozuntuları.

II. Psixoaktiv maddələrin qəbulu nəticəsində yaranan

 kəskin informasiya, o cümlədən:

fəsadsız;

travma və ya digər bədən xəsarətləri ilə;

digər tibbi fəsadlarla, məsələn qanlı qusma ilə, qusma möhtəviyyatının tənəffüs yoluna düşməsi ilə;

deliriya ilə;

qavramanın pozuntusu ilə;

koma ilə;

qıcolmalarla;

pataloji sərxoşluq (yüngül, orta, ağır dərəcələri).

III. Psixoaktiv maddələrin zərərli nəticələrlə təkrar qəbulu

 

IV. Psixoaktiv maddələrdən asılılıq sindromu, o cümlədən:

başlanğıc (birinci) mərhələ;

orta (ikinci) mərhələ;

son (üçüncü) mərhələ;

mərhələsi məlum deyildir.

V. Psixoaktiv maddələrin qəbulunun dayandırılması

vəziyyəti (abstinentlik hali), o cümlədən:

fəsadlaşmamış;

qıcolma tutmaları ilə;

ƏGO (əlavə göstəricisi olmayan).

VI. Psixoaktiv maddələrin qəbulunun dayandırılması

vəziyyəti deliriya ilə, o cümlədən:

klassik:

qıcolma tutmaları ilə;

zümzüməli;

"peşə";

hallüsinasiyalarsız (lüsid):

abortiv;

digər;

dəqiqləşdirilməmiş.

VII. Psixoaktiv maddələrin qəbulu nəticəsində psixotik pozuntular,

o cümlədən:

şizofreniyayabənzər;

sayıqlamanın üstünlüyü ilə;

hallüsinator üstünlüyü ilə (alkoqol hallüsinozu da daxil edilməklə);

polimorf əlamətlərin üstünlüyü ilə;

depressiv əlamətlərin üstünlüyü ilə;

maniakal əlamətlərin üstünlüyü ilə;

qarışıq;

alkoqol hallüsinozu;

alkoqol qısqanclıq sayıqlaması;

alkoqol paranoyası;

ƏGO alkoqol psixozları.

VIII. Psixoaktiv maddələrin qəbulu nəticəsində yaranan

amnestik sindrom, o cümlədən:

Alkoqol və ya digər psixoaktiv maddələr tərəfindən törədilən Korsakov psixozu və ya sindromu.

IX. Psixoaktiv maddələrin qəbulu nəticəsində yaranan rezidual

(qalıq) psixotik və gecikmiş debütlü psixotik pozuntu, o cümlədən:

flestik;

şəxsiyyət və ya davranış pozuntuları;

rezidual affektiv pozuntuları;

demensiya;

digər dayanıqlı koqnitiv pozuntu;

gecikmiş debütlü.

X. Psixoaktiv maddələrin qəbulu nəticəsində yaranan

 digər psixi və davranış pozuntuları, o cümlədən:

psixotik;

qeyri-psixotik.

XI. Psixoaktiv maddələrin qəbulu nəticəsindən yaranan

dəqiqləşdirilməmiş psixi və davranış pozuntuları, o cümlədən:

psixotik;

psixotik olmayan (qeyri-psixotik);

dəqiqləşdirilməmiş.

 

Qeyd.

1. Göstərilən narkoloji xəstəliklərin Siyahısı Ümumdünya Səhiyyə Təşkilatının (ÜST) təşəbbüsü ilə tərtib edilən "Xəstəliklərin Beynəlxalq Təsnifatı"na (10-cu baxış) əsasən hazırlanmışdır.

2. Bu xəstəliklərin kodlaşdırılması həmin "Xəstəliklərin Beynəlxalq Təsnifatı"nda göstərilən kodlara uyğun həyata keçirilməlidir.

 

 

Bu xəbər 2967 dəfə oxunub

Oxşar xəbərlər:

• - Azərbaycan Nazirlər Kabineti "Tibbi-sosial ekspertiza müayinəsinə göndərişlərin verilməsi Qaydaları”nı təsdiq edib.
• - 71. Azərbaycan Respublikasında insanın immunçatışmazlığı xəstəliyinin (AİDS)* yayılmasının qarşısının alınmasına dair “MİLLİ STRATEJİ PLAN”ın təsdiqlənməsinə dair Azərbaycan Respublikası Nazirlər Kabinetinin Sərəncamı, 2002-ci il
• - 70. “2011-2015-ci illər üçün yoluxucu xəstəliklərin immunoprofilaktikasına dair Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 69. "Ətrafdakıları vərəmlə yoluxdurmaq təhlükəsi olan şəxslərin işləməsi qadağan olunan peşə və vəzifələrin Siyahısı"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 68. "Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 67. “2011-2015-ci illər üçün vərəmlə mübarizə üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 66. Transplantasiya obyekti olan orqan və (və ya) toxumaların Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2000-ci il
• - 65. Şəkərli diabet xəstəliyinə tutulmuş şəxslərə göstərilən illik tibbi yardımın (0 cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı"nın və "Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 64. “Şəkərli diabet üzrə Dövlət Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 63. “2011-2015-ci illər üçün şəkərli diabet üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 62. Psixi pozuntu nəticəsində şəxsin ayrı-ayrı peşə növlərində və yüksək təhlükə mənbəyi ilə bağlı işlərdə fəaliyyətin yerinə yetirilməsi üçün yararsız hesab edilməsinə əsas verən psixiatriya əks-göstərişlərin Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il